دراسة وإبداع وثقافة موسيقية
 
الرئيسيةالبوابةاليوميةس .و .جبحـثالتسجيلدخول

شاطر | 
 

 كلمات أعاني فيروز

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3
كاتب الموضوعرسالة
jihad

avatar


مُساهمةموضوع: رد: كلمات أعاني فيروز   الجمعة 27 مارس 2009 - 4:39

رحباني
يا زنبق يا غاوي بسياجو
و مفيي بوراقك عدراجو
عالزهر الهني الليلكي
بيجي يتكي و بيطول الحكي
يا بلبل بخيال عناقيدو
بتقله ما ينسى مواعيدو
ودينا لشباكو يمام و لقلبو ملام و لعيونو سلام
ميل يا ستار و تيه عالدار
لوح للعين جنات و زرار

درج الورد - الأخوين رحباني
درج الورد مدخل بيتنا
درج الورد جنة حمانا
و بين الورد طاير بيتنا
و تحت الورد خيمة هوانا
روح يا بلبل و اسأل عالسطوح
في بيت يا بلبل قرميد عم يلوح
ورق الورد يغمر بيتنا
و درج الورد ساحة بورانا

القطاف - الأخوين رحباني
يا كروما لنا حاليات الجنى ضاحكات الشفاة للسلال
أنت فوق الذرى حلم هذا الثرى و أشتياق الشموس للظلال
يا كروم لنا كل يوم هنا نحن في رؤية المسا هواف
و أنطلاق المدى مائج بالحلى في هتاف الجمال و القطاف
روابينا أراضينا أشجار و ثمار تنادينا
هدوء العشايا و سرب طيور غريب يعانق صمت المغيب وراء الحنايا
أناشيد راع تجوب المدى و تضيع تقول غدا يا قطيع نزور المراعي
الغيوم تضم التلال و تحضن عيد السلال
الكروم نضوج خجول و لحن قطاف يطول
متى يا حبيبي و نحن كروم حنين
ق ضاق هوانا الحنين متى يا حبيبي؟
سلالنا طافحات و نحن في المعابر نطير
سلالنا ضاحكات في لاحق المعاصر نسير
و في غد تثور و تقسو رياح
يزور عبير و تعرى بطاح
و في بيتنا على المنحنى سنسهر حتى الصباح
و في غد تهيم و تنأى طيور
و هذي الفرود سناها يفور
و في بيتنا على حبنا تقال حكايا العطور
يا حبيبي تعالى فالخريف صديقنا الأليف يلفنا بالطيوب
يا حبيبي هيأ معي السلال و لنتبع الظلال على جمال الدروب
أحبك ملئ الوجود فخذ سلة للقطاف
لا تسلني أين أنت سيختم هذا الطواف
سيوجعني أن تعود فارغ اليدين

طلعت با محلا نورها - سيد درويش
طلعت يا محلا نورها شمس الشموسة
يللا بنا نملاها و نحلب لبن الجاموسة
قاعد عالساقية يا خلي أسمر و حليوة
عوج الطاقية و قالي غنيلي غنيوية
قلتلو بقلبى يا خلي يا اسمر يا حليوي
قدم لي ورد و قلي حلويي يا عروسة

زوروني كل سنة مرة - سيد درويش
زوروني كل سنة مرة حرام تنسوني بالمرة
يا خوفي و الهوى نظرة تجي و تروح بالمرة
حبيبي فرقتك مرة حرام تنسونا بالمرة

إرجعي يا ألف ليلة - رفيق خوري
إرجعي يا ألف ليلة غيمة العطر
فالهوى يروي غليله من ندى الفجر
إن أشواقي الطويلة أغفرت عمري
و حكاياكي خميلة في مدى الدهر

بلغه يا قمر - الأخوين رحباني
بلغه يا قمر إذ ينشر الخبر
أني غداة غد يغتالني السهر
يا ليت يجمعنا للحب موعدنا
فالشوق يزرعنا و البعد يحصدنا
ولهان ينتظر و الشوق يستعر
البيد تعرفه و الليل و القمر

لو كان قلبي معي - شعر قديم
لو كان قلبي معي ما أخترت غيركم و لا رضيت سواكم في الهوى بدلا
لكنه رغيب في من يعذبه و ليس يقبل لا لوما و لا عدلا

يا من حوى - شعر قديم
يا من حوى ورد الرياض بخده و حكى قضيب الخيزران بقده
دع عنك ذا السيف الذي جردته عيناك أمضي من مضارب حده
كل السيوف قواطع إن جردت و حسام لحظك قاطع في غمده
إن شئت تقتلني فأنت محكم من ذا يطالب سيدا في عبده

جاءت معذبتي - شعر قديم
جاءت معذبتي في غيهب الغسق كأنها الكوكب الذري في الأفق
فقلت نورتني يا خير زائرة أما خشيت من الحراس في الطرق
فجاوبتني و دمع العين يسبقها من يركب البحر لا يخشى من الغرق

قد أتاك يعتذر - الأخطل الصغير
قد أتاك يعتذر لا تسله ما الخبر
كلما أطلت له في الحديث يختصر
في عيونه خبر ليس يكذب النظر
فد وهبته عمري ضاع عنده العمر
حبنا الذي نشروا من شذاه ما نشروا
صوحت أزاهره قبل يعقد الثمر
عد فعنك يؤنسني في سماءه القمر
قد وفى بموعده حين خانت البشر

لو تعلمين - شعر قديم
لو تعلمينَ بما أُجنُ من الهوى لعذرتِ أو لظلمتِ إن لم تعذرِ
لا تحسبِ أني هجرتُكِ طائعاً حدثٌ لعمروكِ رائعٌ أن تُهجرِ
ما أنتِ و الوعدَ الذي تعِدينني إلا كبرقِ سحابةٍ لا تمطرِ

لا تسألوني - نزار قباني
لا تسألوني ما إسمه حبيبي أخشى عليكم ضوعة الطيوب
والله لو بوحت بأي حرف تكدس الليلك في الدروب
ترونه في ضحكة السواقي في رفة الفراشة اللعوب
في البحر في تنفس المراعي و في غناء كل عندليب
في أدمع الشتاء حين يبكي و في عطاء الديمة السكوب
محاسن لا ضمها كتاب و لا إدعتها ريشة الأديب
لا تسألوني ما إسمه كفاكم فلن أبوح بإسمه حبيبي

يا شادي الألحان - شعر قديم
يا شادي الألحان أه أسمعنا رنة العيدان
يالاللي يا لالا أه يا لاللي رنة العيدان أه أسمعنا أه ياللي يا لا لا لا لا أه ياللي
و أطرب من في الحان أه و أحسبنا من ضمن الندمان
يالاللي يا لالا أه يا لاللي من ضمن الندمان أه أحسبنا أه ياللي لي لا لا لا لا أه ياللي
شعرك و الجبين أه و الوجنات كالليل و النهار
يالاللي يا لالا أه يا لاللي كالليل و النهار أه و الوجنات أه ياللي يا لا لا لا لا أه ياللي

يا خليلي - شعر قديم
يا خليلي ساعة لا تريم و على ذي صبابة فأقيم
ما مررنا بدار زينب إلا فضح الدمع سرنا المكتوم

يا وحيد الغيد - شعر قديم
يا وحيد يا وحيد الغيد يا فريد عصرك
و النبي و النبي يا سيد لا تطل هجرك
مالت الأهداب تجتني سرك
و أنثنت أطياب مذرءات سحرك

حجبوها - شعر قديم
حجبوها عن الرياح لأني قلت يا ريح بلغيها السلام
لو رضوا بالحجاب هان و لكن منعوها يوم الرحيل الكلام
فتنفست ثم قلت لطيفي أه لو زرت طيفها إلمام
خصها بالسلام سرا و إلا منعوها لشكوتي أن تنام

يا غصن نقا - شعر قديم
يا غصن نقا مكللا بالذهب أفديك من الردى بأمي و أبي
إن كنت اسأت في هواكم أدبي فالعصمة لا تكون إلا لنبي
و الله لقد سمعت في الأسفار عن ساحرة تهيم بالأوتار
و الله لقد سمعت من مبسمها طيب الغزل و رقة الأشعار
الرجوع الى أعلى الصفحة اذهب الى الأسفل
alfarabi




مُساهمةموضوع: رد: كلمات أعاني فيروز   الجمعة 27 مارس 2009 - 4:50

غيروا - الأخوين رحباني
غيروا و غيروا أهل الهوى غيروا
راحوا على حي بعيد غابوا و الحي بعيد
غربوا و إتغربوا تذكروا ما إتذكروا .. أوف غيروا أهل الهوى
مايل ورق الصفصاف و طاير ورق الصفصاف
بدلوا و إتبدلوا تحيروا ما تحيروا .. أوف غيروا أهل الهوى
مايل ورق الصفصاف يابا يابا يابا أوف

سهرتنا - الأخوين رحباني
راجع كلمات إسطوانة معرض دمشق الدولي 1960


يا رايح - طلال حيدر
يا راعي القصب مبحوح جايي عبالي شروقي
قللو للقصب ما يبوح بالسر اللي بعروقي
و إن ضعنا سوى بهالليل خلي صوتك مسموعي
يا رايح صوب مشرق شرق ما بو ربيعي
راحوا يرعوا غنمهن و العشب فوق ضلوعي
و ايام الغابن ولفي لعدن عا صابيعي
و عتم علينا يا ليل و ضيعي يا حلوة ضيعي
قالولي إني عشقان و أني مش داري بحالي
بين الصاحي و الغفيان لمحت خيالك قبالي
كان الصبح شنو بان و ادان الصبح عالي
و نازل من صوبن مرسال و من عيني نزلوا دموعي

البواب - جوزف حرب
على باب منوقف تنودع الأحباب نغمرهن و تولع ايدينا بالعذاب
و بواب بواب شي غرب شي صحاب شي مسكر وناطر تيرجعوا الغياب
أه البواب
وقت اللي بلوحلك و بسكر الباب بياخدني الحنين
بفكر رح اشتقلك بفكر عا هالباب رح انطر سنين
أه يا باب المحفور عمري فيك رح انطر و سميك باب العذاب
في باب غرقان بريحة الياسمين في باب مشتاق في باب حزين في باب مهجور أهلو منسيين
هالأرض كلا بيوت يا رب خليها مزيني ببواب و لا يحزن و لا بيت و لا يتسكر باب

ورقو الأصفر - جوزف حرب
ورقو الأصفر شهر أيلول تحت الشبابيك
ذكرني و ورقو دهب مشغول ذكرني فيك
رجع أيلول و أنت بعيد بغيمي حزيني قمرها وحيد
بيصير يبكيني شتي أيلول و يفيقني عليك يا حبيبي
ليالي شتي أيلول بتشبه عينيك
يا ريت الريح إذا أنتا نسيت حبيبي أول الخريف و ما جيت
ينساها الحور و قمرها يغيب و ليلا يطول
و نبقى حبيبي غريبي و غريب أنا و أيلول

فايق يا هوى - الأخوين رحباني
فايق يا هوى لم كنا سوى و الدمع سهرني وصفولي دوا تاري الدوا حبك و فتش عالدوا
فايق لما راحوا أهلنا مشوار تركونا و راحوا قالوا ولاد زغار
و دارت فينا الدار و نحنا ولاد زغار و الهوى جمعنا و فرقنا الهوى
طير المسا جايي من سفر طويل و على باب السهرة تبكى المواويل
منطفي القناديل و تبكي المواويل و نسهر عالعتمي تنينتنا سوى
فايق عا سهرة و كان في ليل و ندي و النار عم تغفا بحضن الموقدي
و العتوبي مسافرة و ما في كلام و لا في هدى قلبك و لا قلبي هدي
و نام الحكي و الناس و انهد السراج و تكت خصور الورد عا كتف السياج
و فل القمر عا ضيعتو و فلو الدراج و قلك بقاش بكير و تقلي اقعدي

ليلية بترجع يا ليل - الأخوين رحباني
ليليي بترجع يا ليل و بتسأل عالناس
و بتسقيهن يا هالليل كل واحد من كاس
غبلك شي ليلي يا ليل و انسانا يا ليل يا ليل
ليليي العنين السود بيطلوا يبكوني
غزلوني على صوت العود غنيي و غنوني
قلتلي خبيني بقلبك و انسيني
يا زهر القناطر فتح هالميل و هالميل
أنا مش سودا بس الليل سودني بجناحو
مرقوا الخيالي عالخيل تركوني و راحوا
ندهتلن راحوا لا وقفوا و لا ارتاحوا
معهن حبيبي ما سمعني بعدوا و بعدوا الخيل

طلعلي البكي - جوزف حرب
طلعلي البكي نحنا و قاعدين
لآخر مرة سوى و ساكتين
بعيونك حنين و بسكوتك حنين
لو بعرف حبيبي بتفكر بمين
بالقهوة البحريي و طلع بإيديك
و تشرب من فنجانك و إشرب من عينيك
و تهرب مني تضيع و ما إرجع لاقيك
و انتا قاعد حدي و عم فتش عليك
و خبي وجي شوفك مدري مع مين
لو بقدر لافتش عليك و لا لاقيك
الكذب الغيم المارق و المنفى سميك
اعطيني اهرب منك ساعدني إنساك
تركني شوف الأشيا و ما تذكرني فيك
بيكفي و أنا عندك شو خسرت سنين

بكرم اللولو - الأخوين رحباني
بكرم اللولو في سلي ملياني عناقيدا سود
و حبيبي مستحلي خصلي و فكري أسرقلو عنقود
قطف العنب حبي حبي الناطور مقابيلك
و بدي احكيلك عن حبي و فزعاني احكيلك
ريشي فوق ريشي رح أكتبلك بالريشي
عا سطح العريشي قمريي و برود
في حلوي خبت صيغتها و الهوا ناطرها
بكرا بليلة خطبتها بتلبس اساورها
و الزيني بتلالي عالشباك العالي
و القصب الغالي عا جبينا معقود

على جسر اللوزية - الأخوين رحباني
على جسر اللوزيي تحت وراق الفيي
هب الغربي و طاب النوم و أخدتنا الغفويي
و سألوا كتير عليي على جسر اللوزيي
هب الغربي و طاب النوم ندهونا و ما وعينا
لامونا و شو نفع اللوم غصب عنا غفينا
يا حبايبنا خطيي لا تلومونا خطيي
و كل يوم بينطرنا بيوم على جسر اللوزيي
يا حبيبي تنينتنا غرب ليل و درب بعيدي
رح يسرقني عتم الدرب هديني بإيدي
تاخدنا سهريي و ترجعنا سهريي
و هني يروحوا و نحنا نضل على جسر اللوزيي


يا طير - الأخوين رحباني
أوف أوف أوف
يا طير يا طاير على طراف الدني
لو فيك تحكي للحبايب شو بني
روح اسألن علي وليفو مش معو
و مجروح بجروح الهوى شو بينفعو
موجوع ما بيقول علي بيوجعو
و تعن عا بالو ليالي الولدني يا طير
يا طير و اخد معك لون الشجر
ما عاد في الا النطرة و الضجر
بنطر بعين الشمس عبرد الحجر
و ملبكى و إيد الفراق تهدني يا طير
و حياة ريشاتك و إيامي سوا
و حياة زهر الشوك و هبوب الهوا
ان كنك لعندن رايح و جن الهوا
خدني و لنو شي دقيقة و ردني يا طير

موال عتابا - الأخوين رحباني
عيني ما تشوف النوم يا ديب حاكمها قلق و نعاس يا ديب
و غدي تصرح مع التنيان يا ديب و تفعل ما تريد و تشتهي يا بوي

طلي يا حلوة طلي - الأخوين رحباني
أوف طلي يا حلوة طلي يا غلة بسنة القلة
جاي من الجرد الحسون يقطف و يعبي السلة
كنك طامع بالزيتون غصون و عم تبكي ع غصون
شو رح تقطف يا حسون و الأعدا سرقوا الغلة
أوف لا بدنا كيف و لا عراس ليحكوا ليقولوا الناس
مانش راح بيروق الكاس غير ما يفل العثمانلي
أوف أوف بكره بيطلع عنا الفل و بترجع ليالي تهل
و العثمانلي بدو يفل و تطلع براسو الفلة

يا أهل الدار - الأخوين رحباني
يا أهل الدار طعمونا
يا أهل الدار و اسقونا
بيعونا شي بيعونا يا أهل الدار
يا أهل الدار طلوا طلوا الحبايب
شعلانه النار و السكر قلبو دايب
يا أهل الدار دارت فينا العلية
و الورد زرار حنو عالورد خطية
و يا بنت الجار لا تجوري كتير عليي
صار اللي صار و العمر الطيب طايب
حبك غلي يا دار عا قلبي غلي
و عنقودك الغاوي على أمه حلي
أنت ببالي بيوت حلوة مشرعه
بايدين تغزل نار يوم المرجله
باعت مرسال يسأل عن بنت صغيرة
قال يوما قال كان ينطرها بالجيرة
و يا فاضي البال ما تدوقي انشالله الغيرة
ميل خيال و انخطبت إنت و غايب

امش على ما يقدر الله - الأخوين رحباني
امش على ما يقدر الله و الكاتبو ربك يصير
يا حلوتي و مقدر الله يتغير اليوم العسير

علموني - الأخوين رحباني
علموني هني علموني
على حبك فتحولي عيوني
و التقينا و انحكى علينا
علموني حبك و لاموني
عايام الورد قلبي دايب
كيف كنا و كان العمر طايب
شو جرى غير الحبايب
مرقوا عا بابي و ما حاكوني
يا عصفور الشوك أهلك داروا
بهالسما و ما بعرف وين صاروا
دلوني عا درب الحب و طاروا
و على درب الصبر ما دلوني

يا معشر الناس - الأخوين رحباني
ليش ما جيتينا يا بنت شيخ الكار
ليش ما جيتينا نار المراجل نار
يا معشر الناس ما بالدهر صاحب وفي ... نعم
مليت حتى انبرى مني لساني وفي يا يابي
قال ابن شداد عنتر قول راجح وفي
وصل الحبل بالحبل يا بني عبس زمام
وين اليحفظوا للصاحب وفا و زمام
تبقى النصيحة بجمل عند العرب و زمام
و اليوم صار النصيحة بالعداوة وفي
أوف ... وله ... تسلم

عنبية - الأخوين رحباني
هاي
عنبية القمطة عنبية
من عشية لبستها الصبية
و غمزت الصبية عنبية
راحت عالمزارع و المزارع فيها الزهر والع بالمزارع
من حقلة الزنبق نقت قمر أزرق و شكتو بالقمطة العنبية
أوف أوف أوف
وقفت عالمفارق و المفارق فيها الهوا مارق عالمفارق
و قالت له بإيدي كتبت القصيدة بأوراق المحبة و بعينيي
أوف أوف أوف
مرخيي الجدايل و الجدايل و يا لون السنابل عالجدايل
و اللي علموكي عالغوى ربوكي و زرعوكي وردة على ميي

دبكة دوارة - الأخوين رحباني
أوف يابا أوف
دوارة عالدوارة دار الحكي
هجروا الأحبا الحارة ليش البكي
دوارة دورتيني سهل و جبل
تحت الندي نسيتيني و بالي انشغل
ما سألتي ما ذكرتيني و غيرك سأل
و إنهدت الياسمينة و علقا تكي
دوارة علي داير صبح و مسا
و بفية الضفاير عمره انتسى
و قاسي يا هوى صاير ليش القسى
صبية شعرا طاير و ملبكى
دوارة علي قاصد يقطف حبق
و بأيام الحصايد قلبو أحترق
قالت لي شفتك قاعد تكتب ورق
قلتلها القصايد كلن لكي

نسم علينا الهوا - الأخوين رحباني
نسم علينا الهوا من مفرق الوادي
يا هوا دخل الهوا خدني على بلادي
يا هوا يا هوا يللي طاير بالهوا
في منتورة طاقة و صورة خدني لعندن يا هوا
فزعانة يا قلبي أكبر بهالغربة ما تعرفني بلادي
خدني خدني خدني على بلادي
شو بنا شو بنا يا حبيبي شو بنا؟
كنت و كنا تضلو عنا و افترقنا شو بنا
و بعدا الشمس بتبكي عالباب و ما تحكي يحكي هوا بلادي
خدني خدني خدني على بلادي

اطلعي يا عروسة - الأخوين رحباني
اطلعي يا عروسة عالكرم نقي العنب
و طلعت العروسة من الكرم طار العنب
و طلعت العروسة تنقي تين
ضحك لها الناطور و قلبو حزين
و لوحت بعيونو لفته مليانه عتب
و ضاع بهالبراري و انبح صوت القصب
و طلعت العروسة تنقي عريس
رماها الهوي و نقاها العريس
لبست الأساور والطرحة كلا قصب
رقصت العروسة و ضحك رنين الدهب

يللا تنام ريما - الأخوين رحباني
يللا تنام ريما يللا يجيها النوم
يللا تحب الصلاة يللا تحب الصوم
يللا تجيها العوافي كل يوم بيوم
يللا تنام يللا تنام لادبحلا طير الحمام
روح يا حمام لا تصدق بضحك عا ريما تتنام
ريما ريما الحندقا شعرك أشقر و منقى
و اللي حبك بيبوسك اللي بغضك شو بيترقى
يا بياع العنب و العنابية قولو لأمي قولو لبيي
خطفوني الغجر من تحت خيمة مجدليي
و التشتشي التشتشي و الخوخ تحت المشمشي
و كل ما هب الهوا لأقطف لريما مشمشي
هاي و هاي و هاي لينا دستك لكنك عيرينا
تنغسل تياب ريما و ننشرهن عاليسمينا
الرجوع الى أعلى الصفحة اذهب الى الأسفل
alfarabi




مُساهمةموضوع: رد: كلمات أعاني فيروز   الجمعة 27 مارس 2009 - 4:53

مرحبا ... مرحبا - الأخوين رحباني
مرحبا مرحبا يا حبيب الربى
يا صباح الحياة يا جناح الصبا
من يديك أرتوى كل شئ بضياء الحياة
و صحى هاتفا كل حي داعيا للأله
و سرت فرحة في الورود كل يوم تعود
و هفا للصباح الجديد كل من في الوجود
و تنشم سلاح مؤذنا بالكفاح
فلنقم للصباح مثل طير الربى
لم يعد في الوكور نائم عن لقاك
فجميع الطيور سبحت في خطاك
و صبايا الزهور فتحت كي تراك
و ضفاف الغدير أيقظتها يداك
و ورود البطاح رف منها جناح
فاسقها يا صباح و اسق طير الربى
ربنا يا سميع الدعاء يا مضئ السبل
هب لنا من يديك الضياء في طريق الأمل
رن هذا النداء خافقا حولنا
و طيور السماء أسرعت قبلنا
فلنكن في الصباح مثل طير الربى

عن حبك غنينا - الأخوين رحباني
عن حبك غنينا و لقربك حنينا
و حكينا حكايات عن ملقانا
اسنظرنا و سهرنا تواعدنا و سعدنا
و الليل يزرع بالهوى دنيانا
لونا أيامك زينا أحلامك
طرقاتك بأشواقنا فرشناها
و بكينا و ما حكينا و زعلنا و ما قلنا
ساعات حلوة بالهوى عشناها
ليلي يتيه و الشوق غاوية
و القلب ما بيهدى ذكراك تضنيه
ما أجمل أطيارك عم تنزل عدارك
و تقول يا حلو الهنا لاقينا
و الزنبق يتشوق و الجدول عم يسأل
يلا نغني للهوى غنانينا



أعطني الناي وغني
كلمات: جبران خليل جبران & ألحان: نجيب حنكش
أعطني النايَ وغنِّ فالغِنا سرُّ الخلودْ
وأنينُ الناي يبقى بعدَ أنْ يفنى الوجودْ
هل اتخذتَ الغابَ مثلي منـزلاً دونَ القصورْ
فتتبعتَ السواقي وتسلّقتَ الصخورْ
هل تحممتَ بعطرٍ وتنشفتَ بنورْ
وشربْتَ الفجرَ خمراً في كؤوسٍ من أثيرْ
أعطني النايَ وغنِّ فالغنا خيرُ الصلاةْ
وأنينُ النايِ يبقى بعدَ أن تفنى الحياةْ
هل جلستَ العصرَ مثلي بينَ جفناتِ العنبْ
والعناقيدُ تدلّتْ كثرياتِ الذهبْ
هل فرشتَ العُشبَ ليلاً وتلحفتَ الفضا
زاهداً في ما سيأتي ناسياً ما قدْ مضى
أعطني النايَ وغنِّ فالغنا عدلُ القلوبْ
وأنينُ النايَ يبقى بعد أن تفنى الذنوبْ
أعطني النايَ وغنِّ وانسَ داءً ودواءْ
إنما الناسُ سطورٌ كتبتْ لكنْ بماءْ

قصة الورد - الأخوين رحباني
ذاكر يا ترى طورنا الأخضر حيث كانت تفئ الطيور
يومها حبنا كان في حينا قصة الورد لحن الزهور
ذاكر يا ترى شعري الأشقر و الشريطة و الشال الحرير
حين خبئت في سمعي المرهف همة الريح كفيض العبير
و بعد تراه من حكايا و أثقل روض السمر
تحدث عنه الصبايا يجئ إليه القمر
ذاكر يا ترى وعدك المقمر بالرجوع و قطف الورود
أم تراه مضى حبنا و أنقضى موسما مبردا لا يعود

بيتنا في الجزيرة - الأخوين رحباني
بيتنا في الجزيرة على ضفاف النيل
أفيائة الوتيرة ينسجها النخيل
شباكه موله بالفلك المطلة مقبلة من عبر بعيد
تمر من أمامي بيضاء كالغمامي أجنحة في موكب سعيد
بيتنا في الجزيرة على ضفاف النيل
جنته الصغيرة حما هوا جميل
يا فلك تجئ و قربنا تفئ تحكي عن المسالك الطوال
أنت مع الصباح أغنية الرياح و قصة الخيرات و الغلال

معرفتي فيك - زياد الرحباني
معرفتي فيك إجت عا زعل
معرفتي فيك ما كانت طبيعيي من بعد ملل
حبك لإلي بلش متل الشفقة كان بدي حنان
و ما كنت سألاني و علقاني بهالحلقة محتاجي إنسان
بس اليوم ما بعرف كيف قلك يمكن هلق عم قلك
حبيبي لآخر مرة بقلك حبيبي مش أنت حبيبي
وحدن - طلال حيدر
وحدن بيبقو متل زهر البيلسان وحدهن بيقطفو وراق الزمان
بيسكرو الغابي بيضلهن متل الشتي يدقوا على بوابي على بوابي
يا زمان يا عشب داشر فوق هالحيطان ضويت ورد الليل عكتابي
برج الحمام مسور و عالي هج الحمام بقيت لحالي لحالي
يا ناطرين التلج ما عاد بدكن ترجعو صرخ عليهن بالشتي يا ديب بلكي بيسمعو
وحدن بيبقو متل هالغيم العتيق وحدهن وجوهن و عتم الطريق
عم يقطعوا الغابي و بإيدهن متل الشتي يدقوا البكي و هني على بوابي
يا زمان من عمر فيي العشب عالحيطان من قبل ما صار الشجر عالي
ضوي قناديل و أنطر صحابي مرقو فلو بقيت عبابي لحالي
يا رايحين و التلج ما عاد بدكن ترجعو صرخ عليهن بالشتي يا ديب بلكي بيسمعو


خليك بالبيت - جوزف حرب
خليك بالبيت هلق حبيت
رح كون وحيدي وحدي فليت
الله يخليك خليك بالبيت خليك
خليك بالبيت هلق حبيت
رح كون حبيبي وحدي فليت
الله يخليك خليك بالبيت خليك
خليك لا تروح مشتاقة ليك
خليك كتير حبيت عينيك
و ما بعرف ليش و بغار عليك
الله يخليك خليك بالبيت خليك
ما تضل عالباب كرمالي فوت
ما خلى الليل طرقات و بيوت
ضجراني و شوب و كتير سكوت
الله يخليك خليك بالبيت خليك

رح نبقى سوى - جوزف حرب
من يوم التكون يا وطني الموج كنا سوى
ليوم البيعتق يا وطني الغيم رح نبقى سوى
تاجك من القمح تمنيتلك السلام
و شعبك بيحبك لتبرد الشمس و توقف الإيام
عا رماد اللي راحوا عا خاتم الزمان
على حجار السود اللي بقيو من الحيطان
عا منديلك إمي عا بواب البيوت
عم بكتب يا وطني الوطن ما بيموت
و أنت أنت من يوم اللي كنت أنت
رسمتك سنابل شهدا و حمام
رسمتك يا وطني وطن السلام
من إيدين الفقرا و شباك الصيادين جايي الحريي
و من الشمس المحفورة بعيون المظلومين جايي الحريي
و من الحق الضايع إلا من الشوارع
من شهدا الأرض الماتوا للأرض وجوهن منسيي
جايي النصر و جايي الحريي



لبيروت - جوزف حرب
لبيروت من قلبي سلامٌ لبيروت و قُبلٌ للبحر و البيوت لصخرةٍ كأنها وجه بحارٍ قديمِ
هي من روحِ الشعب خمرٌ هي من عرقِهِ خبزٌ و ياسمين فكيف صار طعمها طعم نارٍ و دخانِ
لبيروت مجدٌ من رمادٍ لبيروت من دمٍ لولدٍ حُملَ فوق يدها أطفأت مدينتي قنديلها
أغلقت بابها أصبحت في السماء وحدها ... وحدها و ليلُ
أنتِ لي أنتِ لي أه عانقيني أنتِ لي رايتي و حجرُ الغدِ و موج سفرٍ
أزهرت جراح شعبي أزهرت .. دمعة الأمهات .. أنتِ بيروت لي أنتِ لي أه عانقيني



في ظلامِ الليل
كلمات: جبران خليل جبران & ألحان: الأخوين رحباني
في ظلامِ الليل.. أناديكمْ.. هل تسمعونْ ؟
مـاتَ أهـلـي..
وعيونهم محدِّقةٌ في سوادِ السماءْ..
في ظلامِ الليل.. أناديكمْ.. هل تسمعونْ ؟
مـاتَ أهـلـي..
وغمرت.. تلالَ بلادي الدموعُ والدماءْ..
في ظلامِ الليل.. أناديكمْ.. هل تسمعونْ ؟
مـاتَ أهـلـي.. مـاتَ أهـلـي..
والويلُ لأمةٍ.. كثُرَتْ فيها طوائفُها..
وقلَّ فيها الدينْ..
والويلُ لأمةٍ.. تلبسُ مما لا تنسجْ..
وتشربُ مما لا تعصِرْ..
والويل لأمةٍ.. مقسّمةٍ وكلٌّ ينادي أنا أمة..
الـويـلُ لـهـا..
يا بني أمي..
الحقَّ الحقَّ أقولُ لكمْ..
وطني.. يأبى السلاسلْ..
وطني.. أرضُ السنابلْ..
وطني الفلاحونْ.. وطني الكرّامونْ..
وطني البناؤون.. والغار والزيتونْ..
وطني هو الإنسانْ..
وطني لبنانْ..



الـمـحـبـة
كلمات: جبران خليل جبران & ألحان: الأخوين رحباني
وظلَّ المصطفى.. المختارُ الحبيبْ..
الذي كانَ فجراً لذاتهِ..
ينتظرُ سفينتهُ.. في مدينةِ أورفيليسْ..
وفي السنةِ الثانية عشرة.. في السابعِ منْ شهرِ الحصادْ..
صَعِدَ إلى إحدى التلالْ.. ونظرَ صوبَ البحرْ..
ورأى سفينتهُ آتية.. فصلّى في سكونِ نفسه..
وقالَ في قلبهْ: كيفَ أمضي عن هذهِ المدينة..
وأعبرُ البحرْ من غيرِ كآبة ؟
وعندما دخلَ المدينة.. استقبلهُ الشعبْ
كانوا يهتفونْ : لا تفارقنا..
فالمحبة لا تعرفُ عُمقها.. إلا ساعةَ الفِراقْ..
آنَ إذنْ قالتْ المِطرَة : حدثنا عنِ المحبة..
فـقـال: إذا المحبة أومَتْ إليكمْ فاتبعوها..
إذا ضمتكمْ بجناحيها فأطيعوها..
إذا المحبة خاطبتكمْ فصدّقوها..
المحبة.. تضمكمْ إلى قلبها كأغمارِ حنطة..
على بيادرها تدرسكمْ لتظهرَ عُريكمْ..
تطحنكمْ فتجعلكمْ كالثلجِ أنقياءْ..
ثمَّ تُعِدكمْ لنارها المقدّسة..
لكي تصيروا خبزاً مقدّساً..
يقرَّبُ على مائدةِ الربِّ المقدّسة..
المحبة.. لا تعطي إلا ذاتَها..
المحبة.. لا تأخذُ إلا مِن ذاتِها..
لا تملُكُ المحبةُ.. شيئاً ولا تريدْ أن أحدٌ يملُكها..
لأنّ المحبة مكتفية بالمحبة..
وقالتْ المِطرَة ثانيةً : حدثنا عنِ الزواجْ..
فـقـال: وُلِدتما معاً وتظلانِ معاً..
حتى في سكونِ تذكاراتِ الله..
ومعاً حينَ تبددُكما.. أجنحةُ الموتِ البيضاءْ..
كُونَا فَرِحَين.. غَنيا فَرِحَينْ..
إنما اترُكا بينكُمَا.. بعضَ فُسُحات..
لترقصَ فيها رياحُ السماواتْ..
ثمَّ قالتْ لهُ امرأةٌ : حدثنا عنِ الأولادْ..
فـقـال: أولادكمْ ليسوا لكمْ..
أولادكمْ أبناءُ الحياةْ..
والحياةْ لا تُقيمْ في منازلِ الأمسْ..
وكانَ المساءْ.. فصَعِدَ إلى السفينة..
وقال : وداعاً يا أبناءَ أورفيليس..
الريحُ تأمرني بأنْ أفارقكمْ..
وسوفَ أعودُ ثانيةً إليكمْ..
وعندها أشارْ.. ورفعَ البحارةُ المرساة..
وصوبَ الشرق.. أبحرتِ السفينة..
الرجوع الى أعلى الصفحة اذهب الى الأسفل
 
كلمات أعاني فيروز
استعرض الموضوع السابق استعرض الموضوع التالي الرجوع الى أعلى الصفحة 
صفحة 3 من اصل 3انتقل الى الصفحة : الصفحة السابقة  1, 2, 3

صلاحيات هذا المنتدى:لاتستطيع الرد على المواضيع في هذا المنتدى
منتدى الفارابي للإبداع الموسيقى :: قسم المعهد الموسيقي :: مكتبة كلمات الأغاني-
انتقل الى: